"Дублер күні"
30-қыркүйек күні дублер күні өтті. Осы күні 5-11 сынып оқушылары сабақтарда мұғалімдерді алмастырды. Осы жауапты іс-шараға балалар көп дайындалды: олар мұғалімдердің басшылығымен сабақ кестесін құрып, әр сабақтың жоспарын жазды.
Мектепте ерекше атмосфера орнады, оқушылар осы күнді қызықты да, мазмұнды етіп көрсетуге тырысты. Осы күні мектептегі тәртіп биік деңгейде болды. Дублер күні - бұл оқушылар нағыз мұғалімдер бола алатын күн, сабақтарды жүргізудің маңызды екендігін сезіне алады. Осы күні оқушылар мектеп директоры, директордың орынбасарларының орнына жетекші болды.
Күн қорытындысы бойынша дублер болған оқушылар өздері жиналыс өткізіп, әр қайсысы өз пікірлерімен бөлісті және мұғалім болу тек қана қиын емес, қызықты екен деген ортақ ойға келді.
